葡萄酒的生命週期?

其實每款酒都有佢嘅生命週期 – 就好似你同我。

整個過程由成熟至到達適飲期 (Drinking Window/ Peak)，再過埋個Peak (即係Off) 都會影響酒嘅價值。所以延伸到一個我都疑惑過嘅問題 – 酒係咪愈舊越好，放得愈耐愈值錢？

 

遇到適合陳年或正值peak嘅酒款，當然會比唔擺得嘅酒款貴，所以你可能會見到新年份嘅酒比某啲舊年份更貴。如果個款酒直情過咗peak，其實再擺落去都唔會升值。

 

而且就算係老酒，都會受一啲客觀條件影響佢嘅價值，例如酒標完唔完整或有無花到，水位靚唔靚 (過低就代表存放環境有問題)，年份係咪世紀靚年等等。

 

如果該年係比較普通嘅年份，或者陳年潛年較弱嘅酒，就無必要放十幾廿年先飲，可以早開早享受啦。