品酒同溫度有關係咩？?

大家日常飲用嘅Daily Wine到列級酒莊，酒樽上都會寫明「建議室溫飲用」，但以上建議係假設你身處歐洲地區 (當地夏天平均都係得廿幾度)。? 而我地身處嘅香港，夏天閒閒地有成三十幾度?，以致有朋友黎我屋企開酒時問我: 「點解你嘅酒特別唔同？」溫度係咪真係會影響酒嘅味道？?

其實唔係我嘅酒特別唔同，只係溫度令人感觀有所改變。? 例如：溫度高⬆️，會突出酒精感令到單寧變厚重; 溫度低⬇️，則會遮住香氣同味覺嘅敏感度，令到酒平淡冇生氣，悶囉！?

當環境溫度過高時，只要記住以下幾個小貼士，品酒就會多D樂趣啦。?

1. 比較厚身嘅酒唔需要雪太凍 (Light Chill)?，則可以保持香味，減低酒精感。例如：澳洲Shiraz ，阿根廷Malbec
2. 薄身D 嘅酒建議可Chill耐少少?，大概到攝氏16-18度左右，飲落更清爽。例如： Pinot Noir
3. 白酒唔一定要雪到冰咁凍❄️，尤其係Chardonnay， 太凍會鎖住哂D味。建議係攝氏10-12度左右品嚐即可。

總括黎講首先將酒雪到岩嘅溫度再品嚐，加上空氣接觸(抖氣)令酒嘅層次打開，咁你就會試到一枝酒嘅起落啦。??

有機會可以試下我今日分享比你嘅貼士，令到大家有唔同嘅體驗！