紅酒塞發霉😭,點算呀?

近排同朋友食飯🥢,席間有人開咗枝198X年嘅酒,開完就發現酒塞上有d青綠色嘅毛毛。佢問我係咪壞左🥴,仲飲唔飲得?

今日就同大家講呢D毛毛(霉菌)嘅成因👩🏻‍⚕。首先,D毛毛其實是「霉菌」。有「霉菌」嘅出現,係表示有極好儲存環境👍🏻,因為空氣中需要有一定嘅濕度💦先會令佢發霉。保持酒塞濕潤係「霉菌」產生嘅主要因素;相反如果儲存環境好乾燥🌬,就會令酒塞縮小👌🏻,造成枝酒同外面嘅環境有接觸嘅空間🙀,空氣經由縮細咗嘅酒塞空間進入枝酒,最終令紅酒氧化變質。

下次大家見到「霉菌」嘅時候,🙅‍♂唔好先入為主覺得枝酒係壞咗而倒咗佢,可以試下用濕布清理一下,🍷再倒酒出黎試,如果冇「濕紙皮味」,恭喜你枝酒冇事!🎊
最後如果大家見到「霉菌」時,加上飲唔晒枝酒,記得千祈唔好‼調轉酒塞塞住未飲晒嘅酒。因為會污染紅酒咖🆘!最好用其他膠塞/抽真空塞。

Leave a Reply

Your email address will not be published. Required fields are marked *