【竹鶴17 – 混合純麥威士忌之王】

未必太多人知竹鶴政孝係邊個🤔 – 酒友更熟悉既可能係日本北海道余市 (Yoichi) 蒸餾所。

余市喺1934年成立 (遲山崎11年),宗旨為一心專做蘇格蘭style單一麥芽威士忌 (強勁、煙燻辛辣、複雜、渾厚酒體) 。而竹鶴政孝先生 (Masataka Taketsuru) 就正正係呢間余市新酒廠既創立人。

有時喺whisky bar聽到既「竹鶴」,其實就係母公司Nikka日華蒸餾株式會社喺2000年為紀念創父Taketsuru而推出既「純麥威士忌 / Pure Malt Whisky」。純麥(pure malt)同單麥(single malt)並唔一樣🙅🏻‍♂️。「單麥威」係指支酒產自一間酒廠、用100%大麥(malted barley)、並以木桶陳年最少3年。「純麥威」代表支酒入面有2種或以上合規格單麥威士忌混合埋一齊🌀,所以亦有混合麥芽(blended malt)威士忌稱呼。一句講晒,即係「pure malt = blended malt = 2 or more single malts」 。Blended Malt威士忌仲有例如 Johnnie Walker 綠牌15年,其中混合左蘇格蘭4種單麥威士忌,集4家之大成,「Blend」出另一個境界🔥。

不過千祈唔好俾個「blended」字誤導左你☝️。Blended Malt ≠ Blended Whisky。Nikka特登寫明竹鶴係「17年 Pure Malt Whisky」,以免大家混淆。成份只用Nikka旗下兩間酒廠(余市+宮城峽)出產既單麥威士忌混合而成,無加入任何其他原酒。換言之,一支竹鶴17年裏面用左最少17年酒齡既余市、及最少17年既宮城峽✨。雖然唔可以咁直接比較,但以便參考:一支余市/宮城峽15年現時市價最少都要6000-7000蚊🤯。

竹鶴17年喺酒質方面都絕對係數一數二。余市煙燻、雲呢拿,加上宮城峽乾果、香料味,混合埋一齊再加上最少17年ageing,令呢支酒成功喺幾屆世界威士忌大獎 WWA 「World’s Best Blended Malt」 級別都攞第一🏆。見近年有年份日本威相繼停產,我地建議你趁有貨快d買返一兩支送禮自用都得😎。