【?酒評家嘅Tasting Note唔可信??】

知名嘅酒評家成日將d酒講到天花龍鳳?,又話飲得出有咩味咩味,又比到咁高評分?,但你飲唔出有咩特別,覺得比人呃??其實問題出喺你身上!?

初初學飲葡萄酒?,最簡單入門方法當然係自已親身試酒,但市面嘅供應五花百門,點知邊枝「好飲」??唔少人會參考其他人嘅品酒筆記(Tasting Note)?,大概了解一下該產區/酒款嘅特色,當中以某幾位知名酒評家嘅評價相對較多人作為指標?。唔少酒款因為有名師加持,或者佢地列入自己最喜愛酒單之一而聲名大噪,銷量大增?
好評還好評,但點解你自己飲嘅時候就咩味道飲唔出,只係覺得好澀/好酸,完全體會唔到品酒嘅樂趣?大部份情況都唔係評家嘅Tasting Note唔可信,而係你嘅問題!

其實每個人天生對味道嘅感知,飲食喜好都唔一樣,有人鐘意清淡,都有人鐘意重口味。

當中每個人口味嘅各種差異,大致可分成以下四種Vino Type:

1- Sweet: 超高敏感度人士,對苦澀味感敏,只鐘意甜味。喜歡清甜,富果香,低酒精

2- Hypersensitive: 高敏感度人士,鐘意不甜/微甜,味道細緻/輕柔富果香酒款

3- Sensitive: 中等敏感度人士,鐘意平衡度嘅酒。著重葡萄酒風味同整體架構平衡,適合傳統/複雜度高嘅萄萄酒

4- Tolerant: 低敏感度人士,重口味人士,鐘意重酒體/高酒精高濃度紅酒。

不過酒評家有咁多年嘅飲酒經驗同相關知識,條脷對葡萄酒相當敏感,Tasting Note當然比一般人豐富同詳盡。每個人都有自己嘅味道偏好,酒評家都唔例外,所以睇得多就知道邊個係相對重口味,鐘意爆果;亦有唔少係只評個別產區/國家,例如Burgundy/意大利等。

佢地嘅味道品評意見通常唔會偏離太遠,值得留意嘅係對枝酒嘅感覺同反應,帶出嘅感受可以有好大分別。