【NV? Brut?香檳專有名詞逐個睇?】【新手請進?】

成日聽人講香檳NV? 香檳酒標上有Brut哩個字?究竟咩意思黎?今次就同大家簡單介紹一下常見嘅?香檳專有名詞啦!

Vintage.Non-Vintage
無年份嘅香檳 (Non-Vintage, NV) : 無年份香檳釀製時一般會混合多於一個年份嘅基酒,大部分會揀翻近一年及過去幾年嘅葡萄基酒?去調製,咁樣可以確保香檳乎合品牌嘅一貫風格,並且需要在酒窖內陳年時間至少15個月才可以推出市場。

年份香檳 (Vintage) : 年份香檳只會用單一年份出產嘅葡萄酒?釀製。釀製年份香檳既先決條件係需要收成非常好嘅年份,而且該年所產的風格需要比較鮮明,並具備長時間的陳年能力。市面上的年份香檳價錢一般比無年份嘅較高,需要於酒窖陳年至少三年才能推出市場?。

Extra Brut.Brut.Sec.Demi Sec.Doux
大部分香檳都會係裝瓶前進行補糖嘅動作,咁樣做可以增添不同風格的香檳嘅風味?,迎合唔同人嘅喜好!至於香檳嘅甜度一般都會標示在酒標上。

特乾、非常不甜 (Extra Brut): 少於6g糖

干型、不甜 (Brut):見到香檳標上列有Brut字?即係話你知哩枝香檳含糖量低於15g!如果乜都無列明呢??多數都係歸為Brut。雖然哩款香檳加左少少糖,但高酸嘅關係,釀製出來嘅香檳不會令你覺得有甜味?!其實市面好多香檳都係Brut嫁!Brut 亦都係最Classic嘅口味?!

微甜 (Sec):如果稍微感受到有啲甜,酒標極大可能會標上Sec, 內含12-20g糖份。

甜 (Demi Sec/ Semi-seco):明顯感受到香檳中嘅甜度,內含 32-50g糖份。

特甜 (Doux):甜度高於5%,內含超過50g糖份,係香檳中甜度最高⬆嘅級別。

香檳品種
混釀型香檳 (Varietal Blend):用Pinot Noir 、Chardonnay 、Pinot meunier 嘅葡萄品種混釀而成。

白中白香檳 (Blanc de Blancs):全部用白葡萄Chardonnay釀成。這款香檳會有微微嘅鹹味與同礦物味?。

黑中白香檳 (Blanc de Noirs):用紅葡萄Pinot Noir及Pinot Meunier去皮後釀造,會有紅色同黑色嘅漿果香味??。

粉紅香檳 (Rosé):有兩種方法釀製而成—由紅葡萄?同白葡萄一起調配,或者將紅葡萄浸一段短時間後取出,香檳繼而呈現粉紅色?。

下次買香檳個陣,都可以看看酒標??,就可以知道哩枝香檳嘅基本資訊?!