果香,木味,煙燻味?

大家最想知嘅迷底終於解開!點解葡萄酒會有咁多唔同嘅香氣?

每枝酒都好似有生命咁,有年輕時嘅果香花香而入口剛烈,適度陳年後轉化成皮革,動物味,入口輕柔順滑……等等不同氣味。
酒係用葡萄釀造,點解佢嘅果汁經過釀酒師之手就會帶出咁多香味?

香味最主要取決於葡萄品種,其次係地區同風土。葡萄喺發醇初期同酵母接觸,產生化學反應,帶來不同香味例如:黑色水果,紅色水果同花香;而
另外聞到既草木同潮濕既氣味,通常因產酒區風土/氣候條件不同,從而產生各種香味。
葡萄酒會按造酒風格等不同需要而放入橡木桶發酵/陳年,同時係賦予一枝酒生命同發展嘅重要時候,除咗會會帶俾葡萄酒不同香味,例如:焦糖,咖啡,黑巧克力,煙燻味,仲會提高葡萄酒嘅酒體/丹寧,進而令陳年潛力上升。

發酵後嘅入樽程序,都係最漫長嘅陳年過程。入樽後紅酒會同樽內少量空氣接觸共存,而木塞都會導致少量氧氣滲入樽內,造成氧化嘅化學反應。大約十年至十五年,再開樽品嚐,就會有陳年既氣味,例如:蘑菇、松露、甘草、皮革等。但留意返,市面大部份酒款都唔適宜陳年,最好三到五年內飲用,即係無陳年嘅價值。

如果大家想要嘗試到唔同嘅氣味,就要耐心等待,仲要嘗試唔同嘅品種,先會發掘到更多唔同香氣同品飲樂趣。

Leave a Reply

Your email address will not be published. Required fields are marked *