黑心紅酒?!

「黑心食品」就聽得多,你知唔知仲有「黑心紅酒」?

市面上成日都聽到好多假嘅食材,紅酒有假貨都唔係新鮮事。

記得有次返大陸旅行,去個比較遍遠嘅地方,晚上開飯嘅時候飲酒,我覺得自己飲咗杯假酒!

點解我咁肯定,其實當下就係一個好直接嘅感覺。

首先,望落杯酒嘅酒色比較平淡,淺色冇層次,甚至有混濁嘅感覺。第二,酒嘅香味感覺到強烈酒精感,可能會有果糖香精嘅味或者其他人工香料味。

然後再到品酒,如果香氣同酒體唔相一樣:聞到有奶油味但品酒入口嘅時候全冇奶油口感,咁就好大機會添加人工香精!

基本上係香港市場,係99.9%都唔會有假酒嘅出現,因為做出一枝假酒成本隨時比真酒高。

只要搵信譽良好嘅商鋪咁就萬無一失啦!

Leave a Reply

Your email address will not be published. Required fields are marked *