【傳統清酒蛇目杯】藍圈唔只裝飾咁簡單?

平時有飲開日本清酒(Sake)的你,如果未聽過「蛇目杯」,就要砍掉重練再惡補一下知識喇!

蛇目杯係一隻有兩個藍色同心圓圈的白色瓷杯,乍看之下與蛇的眼珠非常相似,因而命名。當然,兩個藍圈並唔只係裝飾咁簡單,而係可以通過藍白分界,辨別清酒的清澈程度(因為清酒唔係100%透明),白圈部分就係觀察清酒的色調,更可以辨別清酒是否有熟成、濾過或劣化等現象。

再者,陶瓷質地典雅溫潤,濃淡冷暖皆宜,一定的厚度重量可以保持酒的溫度,而且用途又多樣,日本人更會拿來喝茶、飲湯、食蕎麥麵等。

除咗蛇目杯之外,唔少人都會用玻璃杯飲清酒,不過最好就係用細玻璃杯,而且亦唔太適宜用嚟飲溫熱的清酒~另外亦有錫杯、陶杯等清酒專用杯,形狀亦非常多樣,要學識哂真係一門不少的學問!