【大嘥鬼?】【西班牙 潑酒節】

世界各地有好多聞所未聞嘅奇怪節日,尤其係西班牙嘅番茄節聞名全世界,但今日要講係對一班酒鬼們,又愛又恨嘅葡萄酒大戰「潑酒節」。

「潑酒節」舉行至今都有三個世紀,日子同地方都風雨不改。
每年6月29號,LA Rioja 一個西班牙其中主要產區舉行呢個盛會,根據西班牙統計每年都有約50個不同國家嘅旅客專程參加,人數都有5位數字以上。

活動前佢地會著全白色衫,再拎埋合適嘅工具!活動正式開始,只要將紅酒潑到所有人身上,白色衫變成酒紅色,就係大贏家。當日大會會準備130000升紅酒俾大家倒晒佢!大約17萬枝酒呀!你話嘥唔嘥?

活動背後都有意思嫁,好耐之前人都有貴賤之分,每逢節日貴族會用佢地靴,入滿酒叫低下嘅人飲或倒係佢地身上。但時至今日人人平等,就演變成今日嘅活動,而紅酒就係「勇敢」嘅一個隱喻啦。