木屑跌落紅酒 仲飲唔飲得?

大時大節當然要約班酒腳出黎聚聚,又喺大家拎好野一齊試嘅好日子。開酒嘅時候如果有木屑跌落枝酒咁點算?!

聚會嘅場會飲酒通常都有舊年份葡萄酒,開瓶嘅時候少不免會有小插曲出現:斷塞,之後大家都會呆幾秒,再千方百計拎返個塞出黎。

舊酒斷塞點算?

木塞斷裂情況喺紅酒長時間保存濕度低,或長時間將紅酒直立儲存,酒塞冇接觸紅酒引致,呢兩種情況開瓶時酒塞有機會粉碎,木屑會跌入酒液。另外,開酒方式同木塞太短都係其中一個因素,通常木塞會斷開一半停留瓶中。 

好多人會講木塞 / 木屑 跌落酒液會影響紅酒味道同氣味,一般係唔會有影響嘅,除非本身木塞有發霉 ,霉菌直接掉入酒液。正常情況只要盡快將紅酒分開,都唔會有太大影響。

如果真係跌咗木屑落酒,首先保持冷靜,準備一個乾淨嘅Decanter 同 一張咖啡濾紙,將濾紙放喺Decanter口,直接倒入木屑就完全過濾啦。

想避免以上任何一個情況,就一定要保持紅酒嘅儲存狀態,俾個好環境佢地啦,咁就會減少尷尬場面啦或者正確方式用舊酒開瓶器開酒。