Dec
講起甜酒，你會諗到襯野食？?朱古力？蛋糕?？
甜酒咁甜?，仲襯甜品咪甜上加甜，甜到爆？
?原來由一餐飯嘅前菜到甜品都啱飲甜酒！
邊個話甜酒只可以食甜品嘅時候飲，原來有好多菜式都啱配搭?！由?中菜到西餐?，前菜到甜品，甜酒係可以由頭帶到尾嘅飲品，從來都無局限只可以做甜品/同甜品一齊飲。???
?甜酒：Sauternes/Barsac產自法國波爾多??，味道除咗甜，仲有不同花香?乾果/?橙皮/?杏㭪等香氣味道，?酸度充足帶出酒體骨架並平衡甜味。
前菜：?
Ham & Cheese Platter上嘅食物都好夾甜酒;配火腿嘅咸味/濃味芝士都好適合
早前試過開枝Sauternes配Iberico Ham,陣咸香同油脂?香味真係同枝甜酒勁夾；酸度足，甜度夠嘅先可以夠力襯到咁重味嘅食物，食一塊ham飲一大啖甜酒，再不斷循還♻，食唔停口！重口味嘅人士最適合。
主菜：
甜酒配煎鵝肝?呢個經典組合幾時都啱；鵝油嘅香味被酒嘅酸度中和，減少油膩感之餘仲帶出肉嘅香味?。
?麻辣類食品；甜可解辣，鐘意食麻辣火煱過冬嘅一定係飲甜酒。雖然酒精感會加重舌頭上辣?嘅感覺，甜味可舒緩辣味對舌頭帶來嘅不適，下次食麻辣米線/水煮魚/口水雞/四川菜/…….記得帶枝甜酒，咁就萬無一失！
臘味煲仔飯係冬天飯枱嘅常菜，臘味嘅香同肉味佢地同甜酒同樣可以係出奇地夾！
甜品：?
甜酒本身已經可以當成甜品，為美好嘅一餐劃上完美句號；又都可以當成配搭嘅酒品。
唔係話甜酒唔適合配甜品，只係唔好甜上加甜??，某d不太甜嘅甜品同甜酒嘅花香都可以好夾；例如中式嘅桂花糕。花香同甜酒本身嘅香氣撞埋一齊，又係錦上添花嘅效果〜
茶記嘅西多都係十分啱配搭嘅食物，油膩加上糖漿嘅甜配合甜酒適度甜味同充足嘅酸度，可以去除西多士嘅油膩感，令花生醬香氣更突出。?
以上嘅食物襯紅白酒都有d難搞?，下次食飯可以淨係帶一枝甜酒，成餐飯由頭飲到尾。?
