四大品酒偏見 行內人絕不會犯的錯!

初學飲酒嘅人通常都有唔少先入為主嘅想法;不過以下呢四樣野,識飲酒嘅一定唔會咁講!大家又有無犯過呢d錯?

1. 我淨係飲…..
呢句說話絕對係一個品酒人嘅大忌!因為天下之大,加上紅酒跟本就係一個無窮無盡嘅世界。如果你淨係飲某地區,可能你會係某區嘅專家,但當你碰上一位對其他地區有認識嘅人就有機會傾唔到計💬,所以應該要抱開放嘅態度,眼光要放遠。

2. 甜酒女仔先會飲!
首先甜酒唔係女性嘅專屬。有人覺得甜酒一定係「初哥」先會飲,事實當然唔係。例如:法國嘅貴腐酒,佢地釀造過程,係一個高手藝技術,所以貴腐酒係世紀其中一個令人崇拜嘅酒區。可能甜酒係令你進入紅酒世界嘅領航員。

3. 白酒一定要早飲!唔可以陳年
事實有部分葡萄及地區係需要早飲,因要享受新鮮同豐富嘅果香,例如:新世界地區及Sauvignon blanc 都會建議早飲。上面都有講,天下之大咩都有。基本上:年份香檳慶、波爾多白酒、勃根地白酒等等⋯⋯都可以陳年。

4. 紅酒一定唔可以同海鮮Pairing。
呢個關於Food & wine pairing 問題。大家都知道紅酒配紅肉,白酒配白肉。但如果再深入了解烹調方法同醬料配搭,例如:Pinot Noir 、Gamay呢類紅酒都有可能同白肉配到呀!

Leave a Reply

Your email address will not be published. Required fields are marked *