【M18】 年年都出 新定舊版好?🤓

麥卡倫每年都會推出新版嘅18年雪莉桶單麥威士忌。2019年新版就啱啱今年6月底上架喇,2018年上一版你又試過未呢?🤤

自從2018年年中麥卡倫開放新酒廠設施🏭及訪客中心🏢後,同時亦推出左一系列全新包裝設計。新設計嘅樽同禮盒靈感來自麥卡倫喺2015年推出嘅「Rare Cask」限量版。新酒廠及新upgrade設備更加彰顯到麥仔為左迎合全球急劇上升嘅需求,而提升產量嘅決心✊。據聞佢地正逐步面對緊將production由舊廠轉移到新廠嘅挑戰。但最難嘅地方固然係點樣去確保新廠嘅產量提升之餘,出品水準又可以繼續保持同舊廠consistent、甚至更勝以往level👍。真係一d都唔容易㗎🤪。

睇到呢度有人可能會話,麥卡倫既然喺2018年開始換新樽、新設計,咁酒本身個質素會唔會同2017年或之前嗰d有分別㗎?呢個絕對係好合理嘅提問,但答案卻未必係咁簡單☝️。「2018版」麥卡倫18年雪莉桶,顧名思義即係喺裝瓶時最少已經陳年1️⃣8️⃣年或以上嘅酒。2018年裝瓶,即係最遲2000年或以前蒸餾、入桶。籠統d講,其實只係同「2017版」差1️⃣年,係同樣由舊廠出產嘅18年老酒。但因為個樽設計唔同左,令人好容易下意識地對2018版有所保留。

呢個當然係飲家自由。不過試下理性地分析🗿,雖然相隔一年,但麥卡倫酒廠團隊同樣需要使用1️⃣8️⃣年或以上的雪莉桶陳年威士忌、同樣要將2018版做到可以保持以往水準、同樣要令大家滿意新酒🥃。否則等同自己拆招牌、自毀信譽💥。尤其現時威士忌市場競爭咁大,要有其他18年嘅alternative真係唔難(例如Glendronach, Talisker同樣18年但係$1300-1400都有找💁🏻‍♂️)。為左保持競爭力,實在好難相信好似麥仔咁出名嘅品牌會為左增加產量而犧牲品質🤷🏻‍♂️。

同時睇返轉頭,2018版相比2017版喺價位上其實都有一段距離。現時市面要買1支2018版大概都要$2500左右,但2017版已經去到差唔多$3000-3300 1支🔥。論性價比,2018版絕對有優勢。而且作為一年一度限量出品,有一定嘅升值潛力。絕對可以趁佢依家仲係新年份個價位,先買入,等佢過幾年升值再慢慢決定想飲定係放都未遲⏳。

酒廠小簡介:

麥卡倫位於蘇格蘭東部Speyside的威士忌核心生產地帶🗺。自從1824年已經開始合法生產麥芽威士忌。當日正式成立時有2個still (蒸餾器),而現時已經遞增到21個。今時今日,講起麥卡倫一定會先諗起「single malt」單麥威士忌。但其實當年麥卡倫起家係靠blend,即係混合威士忌🌀。直到今日,其母公司旗下幾隻blend都有繼續沿用麥卡倫原酒。你可能聽過Cutty Sark、Famous Grouse呢d,其實都有用麥卡倫蒸餾嘅原酒做blending。其他single malt仲有例如Highland Park、Glenturret、Glenrothes等等。

Leave a Reply

Your email address will not be published. Required fields are marked *